نفسي أعرف كيف مات هالزلمه ؟؟؟؟

صباح الخير قصة كتير حلوه بتمنى انها تعجبكم


الأول: كيفك يا زلمه وكيفو أبوك إن شاء الله

تحسن؟ صار لي سنين ما شفتك



التاني: أنا ماشي حالي الحمدلله بس الوالد عطاك عمرو



الأول: العمر إِلَك.. بعرف كان عندو القلب يالله الله يرحمو



التاني: بس والله ما مات من القلب



الأول: معؤول هالحكي؟! كيف توفى؟



التاني: الله يرحمو بآخر فترة ضعف نظرو كتير.. مرة طلع ع البلكون ما شاف
الحفة وقع وبتعرف بيتنا تالت طابق



الأول: لَهْ لَهْ على هالموتة، بكل الأحوال الله يرحمو



التاني: والله تعذبنا فيه كتير وعملنالو شي 12 عملية لَتْحَسَّن



الأول: لكان كيف توفى؟!



التاني: صار يحمل عكازة ومرة عم يقطع الطريق، سيارة مسرعة خبطتو



الأول: يَهْ يَهْ يا لطيف ... الله يرحمو



التاني: ربك رحيم كان فيه جار إلنا حطو بالسيارة ولحقو ع المستشفى بس
النزيف الداخلي كان رهيب



الأول: الله يرحمو بكل الأحوال



التاني: بس سفرناه على إسبانيا وضلينا شي 6 أشهر عم نعالج فيه والحمدلله
تحسن



الأول: طيب كيف مات



التاني: صار معو فشل كلوي حاد وصرنا ندور على متبرع كلية وتأخرنا وصار معو
تسمم



الأول: الله يرحمو ارتاح



التاني: بالصدفة إجا شخص بيعرفو من زمان تبرعلو بالكلوة بآآآآآآآآخر نفس



الأول: لكان كيف مات؟!



التاني: والله مرة بالبيت وهو قاعد ما انتبه ع الغاز احترقت الشقة وهو
لحالو فيها



الأول: يا لطيف على هالموتة ما أبشعها الله يرحمو



التاني: بس والله جارنا الله يجزيه الخير كسر باب البيت ولحقو بآآآآآآآخر
لحظة



الأول: لَكْ فهمنا كيف مات !!!!



التاني: والله اضطرينا نطخُّه آخر شي ..

ههههههههههههههههههههههههههههههههههههههههههههههههههههههههههههههههههههههههه

والله متت من الضحك

الله يجازي بلايشك

يسلمموو ع القصه الرائعه

مشكور اخي وانشاء الله دوم الضحكه على وجهك
اسعدني مرورك على صفحتي

ههههههههه شو هاد كم موتة مات
تحياتي : لين

مشكورة عزيزتي على مرورك الجميل

ههههههههههههههه

عنجد كتير قصة نايس

يسلموووو بس كانت عملية تقويصوو اشي ضروري لانو ميت ميت

ههههههه تقبلي مروري خيتوو

بنت فلسطين 1

مشكوره عزيزتي على مرورك الجميل

هههههههههههه
شو هاي القصة عنجد بتفقع ضحك
يسلمو عالموضوع

هههههههههههههههههههههههههههههههههه
والله صار بطني يوجعني من الضحك

هلا فيكي اردنيه وانشاء الله اضحكه دوم تكون على وجهك

هلا صقر مشكور على المرور الحلو وسلامت بطنك

هههههههههههههههههههههههههههههههههه



يسلمووووووووو على القصه



كتيررررررررررر حلوة




مشكورة اختي

مشكوره عزيزتي وانشاء الله دوم الضحكه